Таны Зурхайн Түүх: Хамгийн Эртний Оддын Зурхайгаас

Зурхайн зурлагаа хайж байна уу? Зүүн Азийн мэргэ төлөгчид таны зурхайг гаргахын тулд юуны өмнө таны төрсөн оныг асуудаг. Энэ нь Хятадын зурхай (шэншяо) болон түүнээс үүсэлтэй бусад Азийн зурхайнуудын суурь нь 12 амьтны мөчлөг бүхий жилийн хуваарь дээр үндэслэдэгтэй холбоотой. 12 жилийн давтагдах зурхайн мөчлөгийн жил бүрийг эдгээр 12 амьтдын нэг нь удирдаж, тус бүр өөрийн гэсэн шинж чанартай байдаг. Азийн зурхайд таны төрсөн жил эдгээр 12 амьтны нэгтэй холбогддог бөгөөд үүний дагуу таны зан чанар болон хайр дурлалын нийцэл тодорхойлогдоно гэж үздэг.

12 жилийн ордууд нь:

Хулгана
Үхэр
Бар
Туулай
Луу
Могой
Морь
Хонь
Бич
Тахиа
Нохой
Гахай

Тэгвэл энэ зурхайн тогтолцоо хэрхэн үүссэн бэ?

Хятадын зурхайн үүсэл гарал

Алдартай нэгэн домогт Тэнгэрийн Хаан (зарим хувилбарт Бурхан эсвэл Будда) нэгэн уралдаан зохион байгуулсан тухай өгүүлдэг. Энэ уралдаанд амьтад гол гатлах шаардлагатай болсон бөгөөд тэд өөрсдийн заль мэх, биеийн чадвар, аз завшаанд түшиглэн голыг туулах гэж хичээжээ.

Хулгана хамгийн түрүүнд барианд орж, Гахай хамгийн сүүлд — 12-т хүрсэн гэдэг. Үүний үр дүнд 12 амьтнаас бүрдэх зурхайн дараалал үүссэн гэж үздэг.

Гэвч “зурхай” гэх үгийн утгаасаа харвал (астро = од, ологи = судалгаа) энэ нь оддыг судалж, тэдгээр нь бидний амьдралд хэрхэн нөлөөлдөг байж болохыг шинжлэх ухаанч талаас нь авч үздэг. Тиймээс 12 амьтнаар зурхай үүссэн гэж хэлэх нь зүй ёсны биш юм. Учир нь эдгээр амьтад нь огторгуй дахь од эрхэстэй ямар ч холбоогүй.

Тэгвэл жинхэнэ зурхай анх хэрхэн үүссэн бэ?

МЭӨ 4-р зуунд амьдарч байсан Хятадын хоёр нэрт зурхайч болох Ган Дэ болон Ши Шэн нар Бархасбадь гаригийн хөдөлгөөнийг нарийвчлан тэмдэглэж үлдээжээ. Бархасбадь нарны эргэн тойронд нэг бүтэн тойрог хийхэд 12 жил шаарддаг. Түүхчид үзэхдээ, энэ нь 12 амьтан 12 жилийн мөчлөгөөр эргэх болсон түүхэн үндэс болж өгсөн гэж үздэг (Википедиагийн мэдээллээр).

Эдгээр суурь зурхайчид Бархасбадь гаригийг 12 жилийн зурхайн системтэй уялдуулан нэгтгэхээс өмнө, өөр нэг 12 ордтой зурхайн тогтолцоо аль хэдийнээ оршиж байсан юм.

Боотесаас Вавилоны Зурхай хүртэл

Бархасбадь гариг нь эдгээр зурхайчдын амьдрахаас өмнө “Боотес” (Хятадаар Шети 摄提; 攝提-) оддын бүлэгтэй холбогддог байжээ. Боотес нь “малчин” гэсэн утгатай бөгөөд нэг гарт нь сэлэм, нөгөө гарт нь хадуур барьсан ялалт байгуулсан хүний дүрсийг үүсгэдэг. Боотес дахь хамгийн тод од болох Арктурусийг Хятадаар Да Жяо (大角, пиньинь: Dàjiǎo; утга нь ‘их эвэр’) хэмээн нэрлэдэг бөгөөд энэ нь түүний тод гялбаанаас үүдэлтэй юм.

Боотес ба түүний хамгийн тод од Арктурус нь эртнээс эхлэн бүсгүйчүүдийн орд (Вирго) ба түүний гол од Спика одны бүлэгтэй холбогдож ирсэн байна.

Вирго ба Боотес ордууд, тэдний од Спика ба Арктурус нь эртний Вавилоны зурхайн тогтолцооны гол тулгуур багана болж өгдөг. Энэ Вавилоны зурхай дараа нь бүх соёл иргэншилд тархжээ. Иймээс бүх соёл иргэншлийн өлгий нутаг Вавилоноос зурхайн систем бүх үндэстэнд, тэр дундаа Зүүн Азийн орнуудад хүрсэн болох нь харагдаж байна.

Вавилоны зурхай нь МЭӨ хоёрдугаар мянганы үед үүссэн анхны бүрэн бүтэцтэй зурхайн систем гэж үздэг (эх сурвалж).
wikipedia on Babylonian astrology

Хятад улс болон Зүүн Азийн орнуудад зурхай Бархасбадь гариг дээр төвлөрсөн байдаг. Үүний үр дүнд 12 амьтны 12 жилийн мөчлөг бий болсон юм. Гэхдээ энэ систем нь эртний Вавилоноос дамжиж ирсэн гэдгийг тэмдэглэх нь зүйтэй.

Вавилоны оддын бүлэг нь мөн 12 нэртэй, өргөн танигдсан оддын бүлгүүдийг агуулдаг: Охины орд, Жинлүүрийн орд, Хилэнцийн орд, Нумын орд, Загасны орд, Хумхын орд, Матарын орд, Хоньны орд, Үхрийн орд, Ихрийн орд, Мэлхийн орд, Арслангийн орд. Гэхдээ энэ системийг Вавилон дамжуулсан боловч үүний анхны бүтээгч нь биш юм.

Вавилоны Хамгийн Эртний Бичигдсэн Эх Сурвалж

Өнөөдөр байгаа хамгийн эртний ном гэх магадлалтай, 4000 гаруй жилийн өмнө бичигдсэн ном бол ‘Иов” юм. Иов бол эртний Еврейн Библийн нэг хэсэг бөгөөд уг номонд Бүтээгч Бурхан оддын бүлгүүдийг бүтээсэн гэж өгүүлдэг.

⁹Тэрээр Долоон бурхан, Мичид,Марлын ордыг болон өмнөдийн ордуудыг бүтээсэн билээ.
Иов 9:9

Мөн Еврейн Библийн өөр нэг эртний зөгнөлт Амос ном ч үүнийг баталдаг.

⁸Тэр Плеиадесыг, Орионыг бүтээж, гүн харанхуйг өглөөгөөр сольдог.Мөн өдрийг шөнө болгон харанхуйлуулж, далайн усыг дуудангазрын гадаргуу дээр асгадаг. Түүний нэр бол ЭЗЭН.

Амос 5:8 (МЭӨ 700 он)

Плеяд оддын бүлэг нь Үхрийн ордын хэсэг юм. Хэрэв Иовын номд, 4000 гаруй жилийн өмнө бичигдсэн номонд эдгээр одод дурдагдсан бол зурхайн оддын бүлгүүд хүн төрөлхтний амьдралд маш эртнээс хамт оршиж ирсэн гэсэн үг юм.

Еврей түүхч Иосефус (МЭ 37–100) Библийн Адам гэж нэрлэгдсэн анхны хүний тухай болон түүний шууд хүүхдүүдийн талаар дараахыг бичсэн байна:

69 …Тэд мөн тэнгэрийн биетүүд болон тэдгээрийн зохион байгуулалттай холбоотой онцгой төрлийн мэргэн ухааныг зохиогчид болсон.
Еврейчүүдийн эртний түүх 1:69

Тэгэхээр оддын тэмдгийг судлах нь анхны хүн төрөлхтнөөс эхэлсэн зүйл юм! Адамын хүүхдүүд бүтээлч Бурханы агуу түүхийг санахад туслах зорилгоор оддын дунд 12 тэмдгийг байрлуулжээ. Энэ түүх нь маргаангүй таны амьдралд нөлөөлж, таны хувь тавилан энэ агуу орчлонгийн түүхтэй хэрхэн уялдан холбогдож байгааг харуулдаг. Үүнийг төрсөн жилийнхээ дагуу бус, харин Эзэн Бүтээгчийн хүч чадал, зорилгоор тайлбарлах бөгөөд эдгээр 12 тэмдэг нь яг үүнийг зааж өгдөг юм.

Бүтээгчийн өөрийнх нь өгсөн Зурхай

Зөгнөлийн мессежүүд номонд бичигдэхээс олон мянган жилийн өмнө, тэдгээрийг бүтээлч Бурханы төлөвлөгөөг хэлэх зорилгоор оддын зураг хэлбэрээр байрлуулжээ. Иймд анхны зурхай нь бидний төрсөн он цаг, газар зүйн байршлаас хамааран баялаг, хайр дурлал, аз жаргал руу чиглүүлэхийн тулд биш, харин бүтээлчийн төлөвлөгөөг илчилсэн дүрслэх өгүүлэмж байсан юм.

Энэ тухай Еврейн Библийн эхний бүтээлийн түүхэнд харж болно. Бүтээлийн үеэр ингэж өгүүлдэг:

¹⁴Тэгээд Бурхан—Өдрийг шөнөөс салгахын тулд огторгуйд гэрэлтүүлэгчид бий болог. Эдгээрээр тэмдэг, улирал, өдөр, жилүүд бий болог…

Эхлэл 1: 14

Орчин үеийн зурхай нь хүний амьдрал болон дэлхийн үйл явдлуудыг хүний төрсөн оддын байрлалаас хамаарч мэддэг гэж үздэг. Гэвч бидний амьдралд нөлөөлдөг нь одод биш юм. Одод нь зөвхөн Бүтээгчийн төлөвлөсөн үйл явдлуудыг тэмдэглэсэн тэмдэг юм — харин бидний амьдралд нөлөөлдөг нь Бүтээгч өөрөө билээ.

Оддын бүтээлийг “ариун цаг хугацааг тэмдэглэх” зорилготойгоор бүтээгдсэн учраас оддын бүлгүүдийн цаана байгаа санаа нь бидэнд Түүний зурхайг 12 ордын тэмдгээр дамжуулан ойлгуулахад оршдог. Эдгээр нь Оддын түүхийг бүтээдэг бөгөөд энэ түүхийг судлах нь анхны зурхай байжээ.

Ийнхүү Бурханы төлөвлөгөө нь оддын дунд байрлах 12 дүрсээр илэрхийлэгдэж, зурхайн ордуудад хадгалагдан, анхны хүн төрөлхтний үеэс хойш олон зуун жил судлагдаж, өгүүлэгдэж, дахин дахин дамжуулсан юм.

Мөн бид 2000 гаруй жилийн настай, Египетийн сүмүүдэд одоо ч оршин буй эртний зурхайг ашиглах болно. Хамгийн алдартай нь Дендерийн сүм болон Луксорын сүмийн зурхай юм. Эдгээр нь бидэнд чиглүүлэх эртний нотолгоог өгдөг.

Охины орд болон түүний оддын бүлэг дүрслэгдсэн зураг

Эртний Зурхайн Түүх

Энэ түүх нь эртний түүхийн эхнээс оддын дунд бичигдсэн бөгөөд танд урилгыг өргөн барьж байна. Энэ нь таныг Бүтээгчийн энэхүү орчлонгийн төлөвлөгөөнд оролцохыг урьж байна. Гэхдээ бид энэ түүхэнд оролцохоосоо өмнө эхлээд үүнийг ойлгох ёстой.

Түүх хаанаас эхэлдэг вэ? Өнөөдрийн зурхайн уншлага ихэвчлэн Хоньны ордноос эхэлдэг. Гэхдээ эртний үед ийм биш байж, тэр үеийн Египетийн Эснагийн линейр зурхайд үзсэнчлэн Вирго буюу Охины ордноос эхэлдэг байжээ.

Бид Зурхайн түүхийг Охиноос эхэлж, дараа нь бусад ордууд руу үргэлжлүүлдэг. Бүр тус бүрийн орд нь нэг бүлэг болж өгүүлэмжийг бүтээдэг. Эдгээрийг бие биен дээрээ суурилан бүтсэн эртний тэмдгүүд гэж төсөөлөөрэй. Энд хамгийн эртний зурхайн 12 орд байна.