Бид Библи хэрхэн биднийг болон бусдыг дүрсэлж байгааг харсан — Бүтээгч Бурхан анх биднийг Өөрийнхөө дүрээр бүтээсэн. Гэвч Еврей Судруудад бид Бурханы тушаалыг зөрчиж, бүх хүн төрөлхтөн дотор клеша (сэтгэл оюуны хямрал, сөрөг сэтгэл хөдлөлүүд)-г бий болгосныг тэмдэглэсэн байдаг.
Дуулал нь эртний Еврейчүүдийн мөргөлийн үед хэрэглэж байсан ариун дуунууд, магтан дууны цуглуулга юм. Эдгээр нь хүний сэтгэлийн байдал, Бурхантай харилцах гүн гүнзгий мэдрэмжийг илэрхийлдэг.
Дуулал 14-ийг МЭӨ 1000 оны орчимд Хаан Давид зохиосон бөгөөд энэ нь бидний өнөөгийн байдал Бурханы нүдээр хэрхэн харагдаж байгааг дүрсэлдэг. Доорх зураглалд энэ дуулал хэрхэн Библийн бусад алдартай дүрүүдийн цаг хугацаатай уялдаж байгааг харуулсан бөгөөд Дуулал 14-ийн эшлэл дараах байдлаар байдаг:
2 ЭЗЭН тэнгэрээс хүний хөвгүүд уруу өнгийн харсан ньОйлгодог, Бурханыг эрэн хайдаг хүн байгаа эсэхийг харахын тулд юм.
Дуулал 14:2-3
3 Тэд бүгдээрээ дур мэдэн явцгааж,Тэд хамтдаа завхарцгаасан.Сайн үйл хийдэг хүн байхгүй,Нэг ч байхгүй.
“Завхарсан” гэж буй энэ хэллэг нь бүх хүн төрөлхтнийг тодорхойлж байна. Бид “тэгж болчихсон” учраас энэ завхрал нь анхны “Бурханы дүр”-тэй холбоотой юм. Энэ нь бидний завхрал дараах байдлаар илэрдэгийг хэлж байна — Бурханаас бие даах хандлага (өөрөөр хэлбэл, Бурханаас “салсан байдал” — “бүгд Бурханыг эрэхээс няцсан”) болон “сайн үйл хийхгүй байх” байдал.
Сэтгэдэг Элфүүд Ба Оркууд
Илүү сайн ойлгохын тулд Бөгжний эзэн болон Хоббит зохиол дахь Дундад Газар-ын Оркуудыг бодоод үз. Оркууд нь гадаад төрх, ааш араншин, байгальтай харьцах байдлаараа жигшүүртэй амьтад. Гэвч оркууд бол Сауроны завхруулсан элфүүдийн үр удам юм.
Элфүүдийг санаж үзье — тэд эрхэмсэг сүр жавхлантай, байгальтай зохицон оршдог, оюунлаг, гоо үзэсгэлэнтэй оршнолууд байв (Леголасыг санаарай). Харин оркууд бол тэдгээр элфүүдийн завхарсан дүр юм. Тэгэхээр энэ бол хүн төрөлхтний тухай Библид хэлж буйг ойлгоход тусална:
Бурхан элфүүдийг бүтээсэн — харин тэд оркууд болтлоо завхарсан.
Бид ч мөн анх Бурханы дүрээр бүтээгдсэн боловч, өнөөдөр бидний дотоод болон гаднах байдал тэр анхны ариун, эрхэм төрхөөсөө холдон, “завхарсан” — яг л оркууд шиг.
Дундад Газар дахь амьдралд, элфүүд оркуудтай хамт амьдардаггүй — тэд уг гарвалаараа холбоотой байсан ч. Оркуудын ёрын муу мөн чанар, завхрал, үзэн ядалт нь тэдэнтэй хамт орших боломжгүй болгодог. Хэрвээ хамт амьдарвал тасралтгүй маргаан, тэмцэл, аллага гарч, элфүүдийн хүсдэг нам гүм, зохиролт оршихуй бүрэн устах байв.
Иймээс элфүүд оркуудаас тусгаарлагдан, Ривенделл, Лотлориэн зэрэг үзэсгэлэнт, амгалан газруудад оршин суудаг бол оркууд хар бараан уулын агуйд, харанхуй орчинд амьдардаг.
Сайн, Муу, Бас Жигшүүртэй
Ийнхүү бидэнд сургамжтай нэгэн ойлголт хүрч ирнэ. Библи хүнийг оюун ухаантай, хувийн зан чанартай, бүтээлч ба ёс суртахуунтай гэж эхэлдэг ч, мөн адил завхруулсан гэж тодорхойлдог нь бид өөрсдийгөө ажигласантай нийцдэг. Библи хүнийг үнэлэхдээ үнэхээр нарийн, үнэн зөв байдлаар нь тодорхойлдог. Энэ нь бидний дотоод дахь ёс суртахуунтай төрөлхийн мөн чанарыг таньдаг. Гэвч бидний үйлдэл энэ ёс суртахууны шаардлагад огт нийцдэггүй учраас ихэнхдээ энэ чанарыг анзаардаггүй эсвэл үгүйсгэдэг. Харин хамгийн мэргэн ухаантнууд хүний сэтгэлд орших Гуравтын хор буюу Клеша (муу бодлууд), мөн Танха (хамаарал, дурлал) тухай хэлэлцдэг. Дараа нь бид өөрсдийгөө Духха (зовлон) ба Аннича (түр зуурын байдал) дунд амьдарч байгааг ойлгодог. Клешад бидний боолчлол маш хүчтэй бөгөөд үүний улмаас бидэнд зориулсан Найман мөрийн Ариун Зам-ыг олж харахгүй өнгөрөөдөг. Яагаад ингэдэг вэ? Үүнийг дараагийн хэсэгт авч үзнэ.