Хамгийн анх зурхай арван хоёр орд дээр үндэслэсэн байв. Энэ нь зөвхөн арван хоёр жилийн турш эргэлддэг арван хоёр амьтан биш юм. Бид тэрхүү анхны түүхийг дахин туулж байна, тэрхүү түүхийг зодиак харуулсан билээ. Одоо бид дараагийн зодиакын орд болох Нум руу ирж байна.
Нум нь зурхайн дөрөв дэх орд бөгөөд морь унасан харваачийн дүрсийг илэрхийлдэг. ‘Нумчин’ гэсэн утгыг латин хэлнээс авсан юм. Орчин үеийн зурхайгаараа бол 11 сарын 23-наас 12 сарын 21-ний хооронд төрсөн хүмүүсийг Нумын ордонд төрсөн гэж нэрлэдэг. Эртний одон орон судлалын зодиак дээр тулгуурласан энэ орчин үеийн зурхайн уншлагаар та Нум ордныхны зөвлөгөөг дагаж, хайр дурлал, аз жаргал, эрүүл мэнд, мөн өөрийн зан чанарын тухай ойлголтыг олж авдаг.
Эртний хүмүүс энэ зүйлийг эхэндээ яг ингэж уншиж байв уу?
Анхаар! Үүнийг хариулах нь таны зурхайн уншлагыг урьдчилсан төсөөлөөгүй замаар нээж, зөвхөн зурхайн ордныхоо тэмдгийг харах гэж байсан тэрхүү зорилгоос тань огт өөр аялал эхлүүлнэ…
Нумын Ордын Гарал Үүсэл
Нум нь морь унасан харваачийн дүрсийг бүрдүүлдэг оддын бүлэг бөгөөд ихэвчлэн кентавр гэж дүрслэгддэг. Энд Нум ордыг бүрдүүлж буй одод байна. Энэ одны зурганд кентавр, морь, эсвэл сумчны дүрс олж харж байна уу?
“Нум” ордны оддыг шугамаар холбосон ч морь унасан сумчны дүрсийг ‘харна’ гэдэг хэцүү байдаг. Гэхдээ энэ тэмдэглэгээ хүний түүхэнд бидний мэдэх хамгийн эртний үеэс эхтэй юм.
Энд Египетийн Дендерагийн сүмийн зурхайн зураг байна. Энэхүү зураг 2000 гаруй жилийн настай бөгөөд Нумын орд улаанаар тоймлон тэмдэглэгдсэн байна.
National Geographic- ийн зурхайн постер нь Нумын ордыг Өмнөд хагас бөмбөрцгөөс харсан байдлаар үзүүлдэг. Нумын оддыг шугамаар холбосон ч морьтон, морь эсвэл кентаврын дүрсийг харахад хэцүү хэвээр байна.
Өмнөх ордуудын нэгэн адил, Нумын ордод сумчийн дүрс нь оддын өөрсдийн хэлбэрээс шууд харагддаггүй. Харин морь унасан сумчны ойлголт нь оддоос биш, өөр эх сурвалжаас урган гарч ирсэн бөгөөд анхны зурхайчид энэ санааг оддын зураглал дээр давхарлан байршуулж, давтагддаг тэмдэг болгосон байна. Доорх зурагт зөвхөн Нумын орд тусгаарлагдсан байдлаар харагдаж байна. Харин Нумыг хүрээлсэн бусад ордуудтай нь хамтад нь харах үед бид түүний жинхэнэ утгыг ойлгож эхэлдэг.
Эхний ЗурхайнТүүх
Анхны зурхай нь төрсөн огноо болон гариг эрхэсийн хөдөлгөөнд үндэслэн өдөр тутмын амьдралд аз, эрүүл мэнд, хайр, аз жаргалыг чиглүүлэх зурхай байгаагүй юм. Харин энэ нь Бурханы амласан төлөвлөгөө байсан бөгөөд хүмүүсийг Түүний замаар чиглүүлэх зорилготой байв. Арван хоёр зодиакын одны орд нь энэ төлөвлөгөөг харагдахуйц дурсамж болгон тэнгэрт бичигдсэн. Зурхай гэдэг нь анхандаа энэ тэнгэрийн түүхийг судалж, ойлгох ухаан байжээ.
Энэхүү түүх нь Охины ордын үрээс эхэлсэн. Дараа нь Жинлүүрийн орд үргэлжилж, бидний үйлсийн тэнцэл хэт нимгэн болохыг сануулдаг. Харин Хилэнцийн орд Девийн үр ба хилэнцийн хоорондох асар их тэмцлийг харуулна. Тэдний хооронд эрх мэдлийн төлөөх тулаан явагддаг.
Нумын Ордны Зурхайн Түүх
Нумын ордны энэ тэмцэл хэрхэн төгсөхийг урьдчилан өгүүлдэг. Нумыг хүрээлсэн бусад оддын ордуудтай хамт харсан үед л бид энэ утгыг ойлгож эхэлдэг. Тэгэхээр, зурхайн энэ орчин л Нумын утгыг илчилдэг юм.
Нумын зурсан сум нь Хилэнцийн зүрх рүү чиглэсэн байдаг. Хятадын одон орон судлал үүнийг 心 (Xīn) буюу Луугийн зүрх гэж нэрлэдэг. Энэ нь морь унасан сумчин үхлийн дайснаа устгаж буйг тодорхой илэрхийлдэг. Энэ нь эртний зурхай дахь Нумын утга байв. Дендерагийн зурхай (дээш харуулсан зураг) болон ордуудыг зэрэгцүүлэн байрлуулсан бүх зодиакууд морь унасан сумчин Хилэнцийг ялан дийлснийг харуулдаг.
Бичгийн Түүх дэх Нумын бүлэг
Девийн үр болох Есүс Христийн дайсан дээрээ авсан эцсийн ялалтыг зурхайн Нум ордод дүрслэгдсэнээр Библид зөгнөжээ. Энэхүү бичгийн зөгнөл нь Христийн дэлхий дээр эргэн ирэх тухай юм.
11 Би тэнгэр нээгдсэнийг харлаа. Харагтун, тэнд цагаан зүсмийн морь байлаа. Түүн дээр суусан нь “Итгэмжит бөгөөд Үнэн” гэсэн нэртэй бөгөөд зөв шударгаараа шүүж дайтдаг.
12 Түүний мэлмий нь галын дөл шиг, тэргүүн дээр нь олон титэм байна. Өөрөөс нь өөр хэн ч мэдэхгүй нэр дээр нь бичээстэй байлаа.
13 Тэр цусанд дүрэгдсэн дээл өмсжээ. Түүний нэрийг “Бурханы Үг” гэдэг ажээ.
14 Цагаан өнгөтэй цэвэрхэн, нарийн маалинган хувцас өмссөн, тэнгэр дэх дайчид цагаан зүсмийн морьд унан Түүнийг дагаж байв.
15 Түүний амнаас нь хурц сэлэм цухуйх агаад түүгээр Тэр үндэстнүүдийг устгах юм. Тэр үндэстнүүдийг төмөр таягаар захирах болно. Тэрээр Төгс хүчит Бурханы догшин уур хилэнгийн дарсан шахуургыг шахна.
16 Тэр дээл болон гуян дээрээ “Хаадын Хаан, эздийн Эзэн” гэж бичсэн нэртэй ажээ.
17 Наран дээр нэгэн тэнгэр элчийн зогсож байхыг би харав. Тэр чанга дуугаар хашхиран тэнгэрийн дундуур нисэж буй бүх шувуудад—Ирцгээ. Бурханы их зоогон дээр чуулагтун.
18 Ингэснээр та нар хаадын мах, мянгатын дарга нарын мах, хүчит эрсийн мах, морьд болоод морьтонгуудын махыг, эрх чөлөөт хүмүүс ба боолчуудын, их бага бүх хүний махыг идэх юм хэмээн хэлэв.
19 Морь унасан Түүний эсрэг болон дайчдынх нь эсрэг дайтахаар цугласан араатан болоод газрын хаад, тэдний дайчдыг би харав.
20 Өнөөх араатан болоод түүнтэй хамт хуурамч эш үзүүлэгч баригдав. Энэ хуурамч эш үзүүлэгч нь араатны өмнө тэмдгүүдийг үйлдсэнээрээ араатны тэмдгийг хүлээн авсан хүмүүс болон араатны хөрөгт мөргөсөн хүмүүсийг мэхэлсэн юм. Тэр хоёрыг амьдаар нь шатаж буй хүхэртэй галт нуурт хаяв.
21 Бусад нь морь унасан Нэгэний амнаас цухуйх сэлмэнд алагдсан бөгөөд бүх шувууд тэдний маханд цадав.king of kings and lord of lords.
Илчлэлт 19: 11-21
1 Гартаа ёроолгүй гүний түлхүүр, асар том гинжтэй тэнгэр элч тэнгэрээс бууж ирэхийг би харав.
2 Тэрээр диавол ба Сатан болох эртний могой буюу лууг бариад, түүнийг хүлж, мянган жилийн турш
3 ёроолгүй гүнд хаяжээ. Тэгээд мянган жилийг нь дуустал үндэстнүүдийг цаашид мэхлүүлэхгүйн тулд түүнийг түгжээд лацдав. Үүний дараа тэр ахархан хугацаанд суллагдах ёстой аж.Илчлэлт 20:1-3
7 Мянган жил төгсөх үед Сатан шоронгоосоо суллагдан,
8 дэлхийн дөрвөн өнцөгт буй үндэстнүүдийг, Гог болон Магогийг мэхлэн, тэднийг дайнд хамтад нь цуглуулахын тулд гарч ирнэ. Тэдний тоо тэнгисийн эргийн элс шиг аж.
9 Тэд газрын энгээр нэг тарж, ариун хүмүүсийн хуаран, хайрлагдсан хотыг бүсэлжээ. Тэнгэрээс гал бууж тэднийг залгив.
10 Тэднийг мэхэлсэн диавол хүхэр бүхий галт нуурт хаягдлаа. Тэнд ч мөн араатан болоод хуурамч эш үзүүлэгч байгаа аж. Тэд өдөр шөнөгүй үеийн үед тарчилна.Илчлэлт 20:7-10
Анхны Зурхайн Нэгж
Эртний Зурхайн эхний дөрвөн орд болох Охины орд, Жинлүүрийн орд, Хилэнцийн орд, Нумын нь арван хоёр бүлэг бүхий Зодиакын түүхийн доторх нэгэн зурхайн нэгжийг бүрдүүлдэг. Энэ хэсэг нь ирэх Захирагч ба Түүний эсрэг дайсны тухай төвлөрөн өгүүлдэг.
- Дев нь Бурханы ирэх хүнийг Бүсгүй хүний үрээс төрнө хэмээн урьдчилан зөгнөсөн.
- Жинлүүр нь бидний гавьяа дутмаг учраас төлөөс шаардагдана гэдгийг харуулсан.
- Хилэнц нь тэр төлөөс нь үхэл байх болно гэдгийг зөгнөсөн.
- Нум нь морь унасан сумчны сум шууд Хилэнцийн зүрх рүү чиглэж байгаагаар Түүний эцсийн ялалтыг урьдчилан харуулдаг.
Эдгээр ордууд нь зөвхөн тухайн сардаа төрсөн хүмүүст бус, бүх хүнд зориулагдсан. Нум орд таны тухай бөгөөд та арваннэгдүгээр сарын 23-наас арванхоёрдугаар сарын 21-ний хооронд төрөөгүй байсан ч хамаатай. Энэ тэмдэг нь бид дайсны эсрэг авсан эцсийн ялалтыг мэдэж, аль талд зогсохоо сонгох боломжтой байхын тулд өгөгдсөн юм.
Есүс Христ анх ирэхдээ Дев, Жинлүүр, Хилэнц ордуудын утгыг биелүүлсэн. Харин Нум ордны биелэл нь Түүний хоёр дахь ирэлтээр биелэх ёстой. Гэсэн ч энэ зурхайн нэгжийн эхний гурван орд аль хэдийн биелсэн нь Нум орд ч мөн адил биелнэ гэсэн итгэлд бат үндэс болж өгдөг.
Есүс ба Таны Нум Ордын Зурхай
“Зурхай” гэдэг үг нь Грек хэлний “Horo” буюу “цаг” гэсэн үгнээс гаралтай. Библи эдгээр онцгой цагуудыг бидэнд тэмдэглэн үлдээсэн байдаг. Үүнд Нум ордны “цаг” ч мөн багтдаг.
Нумын “horo” буюу цаг нь — Есүс Христийн эргэн ирж, дайснаа ялан дийлэхээр ирэх эцсийн ялалтын цаг юм. Энэ бол зөвхөн нэг хүний хувь тавилан бус, бүх хүн төрөлхтний хувь заяаг шийдэх агуу мөч юм.
36 Харин тэр өдөр, цагийн тухайд хэн ч мэдэхгүй. Тэнгэрийн элч ч, Хүү ч мэдэхгүй. Зөвхөн Эцэг л мэднэ.
Maтай 24:36
44 Тиймээс та нар бас бэлэн бай. Хүний Хүү та нарын бодоогүй цаг мөчид ирнэ.
Maтай 24:44
Есүс Христ Өөрөө Христийн эргэн ирэх яг тэр цаг (horo) буюу дайснаа бүрэн ялах мөчийг хэн ч мэдэхгүй, зөвхөн Бурхан мэднэ гэж хэлсэн. Гэсэн ч Библид тэрхүү цаг ойртож буйг илтгэх зарим дохио, шинж тэмдгүүд бий.
Гэвч энэ цаг нь хүмүүсийн ихэнх нь төсөөлөөгүй, бэлтгэлгүй байх үед ирнэ гэж анхааруулсан байдаг. Иймээс энэ нь зүгээр нэг оддын байрлал бус, сүнслэг байдлаар бэлэн байхыг уриалсан дуудлага юм.
Таны Өнөөдрийн Нум Ордын Зурхай — Эртний Зурхайн Дагуу
Та болон би өнөөдөр Нум ордын зурхайн уншлагыг дараах байдлаар амьдралдаа хэрэгжүүлж чадна:
Нум орд бидэнд Христ эргэн ирж, Сатан бүрэн ялагдахаас өмнө олон анхаарал сарниулагч зүйлс тулгарахыг хэлдэг. Үнэндээ хэрэв та өдөр бүр оюун ухаанаа шинэчлэн өөрчлөгдөхгүй бол энэ ертөнцийн жишигт захирагдаж, тэр агшин таныг гэнэт дайрч, Христ илчлэгдэх үед Түүнтэй нийцэхгүй байх болно.
Хэрэв та тэр “цаг”-ийг алдахын аймшигт үр дагавруудыг амсахыг хүсэхгүй байвал өдөр бүр ухамсартай шийдвэр гаргаж, бэлтгэлтэй байх хэрэгтэй.
Одоо өөрийгөө нэг эргэцүүл: Та алдартнуудын хов жив, олон ангит драмын явдлыг дагаж, утга учиргүйгээр амьдарч байна уу? Хэрэв тийм бол энэ нь таны сэтгэлийг боомилж, дотны харилцаагаа алдах, улмаар Христийн эргэн ирэх мөчийг бусдын адил алдах шалтгаан болох магадлалтай.
Таны зан чанар давуу болон сул талуудтай. Харин таныг анхаарлаа сарниулж, замаасаа хазайлган байлгахыг хүсдэг дайсан яг тэр сул талуудаар тань дайрдаг. Энэ нь хов жив, садар самуун, шунахай сэтгэл, эсвэл зүгээр л олон нийтийн сүлжээнд цаг үрэх ч байж болно — тэр таны ямар уруу таталтад унахыг маш сайн мэддэг.
Иймээс та шулуун, нарийн замаар алхахын тулд тусламж, удирдлага гуйж залбир. Тэр “цаг”-т бэлэн байхыг хүсвэл, өдөр бүр сэтгэлээ сэргээж, өөрийгөө хянах хэрэгтэй. Тэр мөчийг алдахыг хүсэхгүй байгаа цөөн хэдэн хүнийг олж, хамтдаа өдөр бүр бие биедээ тусалж, урам зориг өгч, тэр мөчийг гэнэтхэн биш, бэлтгэлтэй угтах боломжтой болно.
Зурхайн түүх үргэлжилсээр… бид Нум ордоор дамжин гүн рүү нь нэвтэрч байна.
Дараагийн дөрвөн зурхайн орд нь мөн адил нэгэн астрологийн нэгжийг бүрдүүлдэг бөгөөд Ирэх Нэгэний үйлс бидний амьдралд хэрхэн нөлөөлөхийг илчилдэг. Энэ хэсэг нь Матарын ордоор эхэлдэг.
Энэ түүхийг эхлэлээс нь, охины ордноос эхэлнэ.